Kezdesý barysynda qala prokýrory bilim grantynyń talaptary týraly áńgimelep, grantty jeńip alǵan ozat bilim alýshylarmen suhbat qurdy. Jastardyń aıtýynsha bul olardy qanattandyryp jigerlendire tústi. Prokýror quqyq qorǵaý salasyndaǵy mol tájirıbesimen bólise otyryp, bilimge qushtar jastardyń ártúrli suraqtaryna jan-jaqty jaýap berdi.
О́z kezeginde Jumabek Táshenev atyndaǵy ýnıversıtettiń Basqarma basshysy, QR UǴA akademıgi, pedagogıka ǵylymdarynyń doktory, professor Ońalbaı Aıashev oqý ordasynyń jastarǵa kórsetip jatqan áleýmettik qoldaýlary men aldaǵy strategııalyq damý jospary týraly baıandady.
General Ǵ.Muqanov óz sózinde qala aýmaǵynda qoǵamdyq tártiptiń saqtalýyna jastardyń da úlesi basym ekenin atap ótti. Sonymen qatar stýdentterdi prokýratýra organdarynda óndiristik is-tájirıbeden ótýge bar múmkindikti qarastyratynyn jetkizdi. Sondaı-aq, stýdenttik ombýdsmen bastaǵan JOO belsendi jastarymen birge keshendi baǵdarlamalyq jobalardy iske asyratynyn aıtty.
Kezdesý barysynda sóz alǵan ýnıversıtettiń áleýmettik-mádenı damý jónindegi prorektory Ulttyq Zań akademııasynyń korrespondent múshesi Bıtursyn Ǵalymjan: «Memleket basshysy Qasym-Jomart Toqaevtyń «Zań men tártip» ıdeologııasy ózin «quqyqtyq, demokratııalyq, zaıyrly jáne áleýmettik memleket» dep tanyǵan elimizdi jarqyn bolashaqqa bastaıtyn asa mańyzdy bastama dep sanaımyz. Olaı deıtinimiz, zań talaptary barshaǵa ortaq, tártip bolǵan jerde tarazy basy teńesedi. Al zań talaptary buzylyp, tártipsizdik oryn alǵan jaǵdaıda adamdar azǵyndap, qoǵam quldyraıdy. Qoǵamdaǵy saıası turaqtylyq pen tártiptiń saqtalýyna birden-bir jaýapty ári quzyrly organ – Qazaqstan Respýblıkasynyń Prokýratýrasy» dedi.
Kezdesý sońynda qala prokýrory bastaǵan aýdan prokýrorlary ýnıversıtet jastarynyń qolymen jasalǵan «jasandy ıntellekt» alańymen jáne «kovorkıng» ortalyǵynyń jumysymen tanysty.
ShYMKENT
